Man Utd យល់ព្រមទិញ Mount ពីក្លិប Chelsea ក្នុងតម្លៃខ្លួន៦០លានផោន

 

ក្លិប Manchester United នឹងត្រូវចុះហត្ថលេខាជាមួយនឹងកីឡាករទី១របស់ពួកគេនៅរដូវក្តៅនេះ ក្រោយពីយល់ព្រមទិញ Mason Mount ពីក្លិប Chelsea ក្នុងតម្លៃខ្លួន៦០លានផោន (ស្មើនឹង៧៦លានដុល្លារអាមេរិក)។

ក្លិប Chelsea ដែលកំពុងតែលក់ចេញកីឡាករមួយចំនួនបានទឹកប្រាក់ជិត២០០លានផោន ក្នុងពេលបើកទីផ្សារដោះដូរកីឡាករនៅពេលនេះ ចង់បញ្ចប់រឿងរ៉ាវនៃការផ្ទេររបស់ Mount ហើយការព្រមព្រៀងគ្នាមួយត្រូវបានឈានដល់ក្រោយពីការពិភាក្សានានារវាងក្លិបទាំង២។

Man United នឹងបង់ប្រាក់ជាគោលចំនួន៥៥លានផោន បូកទាំងប្រាក់ឧបត្ថម្ភនានាចំនួន៥លានផោនផ្សេងទៀត សម្រាប់ខ្សែបម្រើរូបនេះ ដែលត្រូវបានចាត់ទុកដោយលោក Erik ten Hag ថា ជាគោលដៅចម្បង ហើយនិងត្រូវចុះហត្ថលេខាលើកុងត្រារយៈពេល៥ឆ្នាំ នៅកីឡដ្ឋាន Old Trafford ជាមួយនឹងជម្រើសបន្តកុងត្រារយៈពេល១ឆ្នាំទៀត។

ពួកគេក៏កំពុងតែព្យាយាមទិញអ្នកចាំទី Andre Onana ពីក្លិប Internazionale ផងដែរ ខណៈដែលអ្នកចាំទីរូបនេះ ក៏ធ្លាប់បានធ្វើការជាមួយនឹងលោក Ten Hag ផងដែរ ពេលលេងឲ្យក្លិប Ajax។តាមដានព័ត៌មានបាល់ទាត់ថ្មីៗ

អ្នកលេងគុនខ្មែរជើងចាស់ សេនបុនថេន ចង់ណាត់លោកគ្រូ ក្រាក់ សម្ភស្ស ដើម្បីសាកវិជ្ជាគុនមុនលាពីអាជីបអ្នកប្រដាល់

 

ប្រិយមិត្តអ្នកគាំទ្រគុនខ្មែរពិតជាបានដឹងហើយថាមួយរយៈចុងក្រោយមកនេះ គឺមានការឌឺដងពាក្យសម្តីផ្លែផ្ការវាងលោកគ្រូ ក្រាក់ សម្ភស្ស និងលោកគ្រូ សេន ប៊ុនថេន ។ ដើមឡើយលោកគ្រូក្រាក់សម្ភស្សប្រកាសចង់ប្រកួតលាអាជីពពីអ្នកប្រដាល់ ខណៈដែលលោកគ្រូ សេន ប៊ុនថេន ក៏ចង់ជួបជាមួយលោកគ្រូ ក្រាក់ សម្ភស្ស ដើម្បីបិទអាជីពដូចគ្នា ។

ក្រោយមកលោកគ្រូ ក្រាក់ សម្ភស្ស ក៏បានធ្វើការឆ្លើយតបទៅវិញថាអោយលោកគ្រូ សេន ប៊ុនថេន ទម្លាក់គីឡូត្រឹម 65 មកលោកនឹងវាយជូន ។ ប៉ុន្តែប្រហែលជាខុសគីឡូខ្លាំងពេកនាំអោយការប្រកួតពិបាកនឹងកើតឡើង ស្រាប់តែលេចមុខជើងចាស់ម្នាក់ទៀតគឺលោកគ្រូ ភុំ សារ៉ាយ បានប្រកាសថាចង់សាកវិជ្ជាគុនជាមួយលោកគ្រូក្រាក់សម្ភស្ស ក្នុងប្រភេទទម្ងន់ 63.5 ឬ 65 ដែលទម្ងន់នេះគឺត្រូវគ្នាតែម្តងមិនបាច់តម្លើង ឬសម្រកអ្វីទេ ។តាមដានព័ត៌មានកីឡាប្រចាំថ្ងៃ

ដោយលោកគ្រូ ភុំ សារ៉ាយបានប្រើពាក្យថា “ក្រាក់ សម្ភស្ស អ្នកដែលស័ក្តសមជាមួយនិងក្រាក់ សម្ភស្សឯងមានតែខ្ញុំមួយទេ ក្នុងប្រទេសខ្មែរអ្នកដែលស័ក្តសមបំផុតគឺ ភុំ សារ៉ាយ គីឡូ 63.5 ក៏បាន គីឡូ 65 ក៏បានដែរ” ។ ទាំងអាយុ ទាំងសមត្ថភាព ទាំងបទពិសោធន៍ ទាំងគីឡូ​ គូនេះគឺត្រូវគ្នាដូចគូពីបុព្វេតែម្តង បើប៉ះគ្នាមែនតើអ្នកគិតថាជើងចាស់មួយរូបណាជាអ្នកទទួលជ័យជម្នះ ។

James Maddison លុប​ការ​បង្ហោះ​មើល​ស្រាល​ក្លឹប Spurs កាល​ពី​ជាង ១០ ឆ្នាំ​មុន​ហើយ

 

ទន្ទឹម​នឹង​ចចាមអារ៉ាម​នៃ​ការ​កៀក​ផ្ទេរ​ទៅ​ចូលរួម​ជាមួយ​ក្លឹប​មាន់​ខ្នាយ​មាស Tottenham Hotspur វា​ក៏​ដល់​ពេល​ដែល James Maddison សើរើ​រឿងរ៉ាវ​ចាស់ ខ្លួន​ធ្លាប់​បាន​សាង ធ្លាប់​បាន​បង្ហោះ​មើល​ស្រាល​ដល់​ក្លឹប​ខាង​លើ​កាល​ពី​ជាង ១០ ឆ្នាំ​មុន។

នេះ​កីឡាករ​របស់​ក្លឹប​កញ្រ្ជោង​ខៀវ Leicester City ហាក់​មិន​ជ្រើស​យក​ការ​បន្ត​ នៅ​ឈរ​ជើង​ក្នុង​ក្របខ័ណ្ឌ​លំដាប់​ទី​ពីរ Championship ឡើយ​ ផ្ទុយ​ទៅ​វិញ គឺ​រើ​បម្រាស់​ខ្លួន​ដើរ​ចេញ ដោយ​មាន​ក្លឹប​ពីរ​ព្យាយាម​ចង់​បាន​រវាង Newcastle និង Spurs តែ​តាម​ចចាមអារ៉ាម​ចុង​ក្រោយ​ហាក់​ក្លឹប​មាន់​ខ្នាយ​មាស​ជោគជ័យ​លើ​ការ​ចរចា​បាត់​ទៅ​ហើយ។

ត្រៀម​នឹង​ការ​ផ្ទេរ​ទៅ​ក្លឹប​ស្ថិត​ក្នុង​ទីក្រុង​ឡុង ក៏​ស្រាប់​តែ​អ្នក​គាំទ្រ​បាន​ចាប់​អារម្មណ៍​លើ​គណនី​ផ្លូវការ​របស់​កីឡាករ​វ័យ ២៦ ឆ្នាំ បាន​លុប​ចេញ​នូវ Tweet ដែល​បង្ហោះ​ពាក់ព័ន្ធ​ក្លឹប​ខាង​លើ កាល​ខែ​វិច្ឆិកា ឆ្នាំ ២០១២។ ដូច​ពេល​នោះ​សរសេរ៖ “ខ្ញុំ​ស្អប់ Gareth Bale ណាស់ ត្រូវ​ដឹង Wilshere គេ​ល្អ​ជាង​អ្នក​ ១០ ដង​ផង។តាមដានព័ត៌មានបាល់ទាត់ថ្មីៗ

Man Utd ដក​សំណើ​ចុះ​ហត្ថលេខា​ពី De Gea

 

អ្នកចាំទីជើងចាស់ David De Gea ត្រូវបានគេនិយាយថាបានចុះកុងត្រាថ្មីជាមួយ Manchester United ក្នុងខែនេះ។ យ៉ាង​ណា​ក៏​ដោយ ក្លឹបបាន​ត្រឡប់​ទៅ​លើ​កិច្ច​ព្រម​ព្រៀង​វិញ ហើយ​មិន​បាន​ចុះ​ហត្ថលេខា​លើ​កិច្ច​ព្រម​ព្រៀង​នេះ​ដោយ​ខ្លួន​ឯង​ឡើយ។

Per The Athletic, De Gea ត្រូវបានផ្តល់ជូនកិច្ចព្រមព្រៀងលើលក្ខខណ្ឌកាត់បន្ថយពីប្រាក់ឈ្នួលពីមុនរបស់គាត់។ គាត់បានយល់ព្រម ប៉ុន្តែបន្ទាប់មកបានឃើញក្លឹបទាញកិច្ចព្រមព្រៀងនេះ ហើយផ្តល់ឱ្យគាត់នូវប្រាក់បៀវត្សរ៍ទាបជាងយ៉ាងខ្លាំង បើធៀបនឹង £375,000 ក្នុងមួយសប្តាហ៍ដែលគាត់រកបាន។

របាយការណ៍ប្រព័ន្ធផ្សព្វផ្សាយបានប៉ាន់ស្មានថាអ្នកចាត់ការ Erik ten Hag ប្រហែលជានៅពីក្រោយការសម្រេចចិត្តនេះ។ គាត់មិនជឿថា De Gea គឺជាអ្នកចាំទីដ៏ត្រឹមត្រូវក្នុងការលេងបាល់ទាត់របស់គាត់នោះទេ។តាមដានព័ត៌មានបាល់ទាត់ថ្មីៗ

Real Madrid បានទាក់ទងទៅ Inter Milan ជុំវិញការផ្ទេរយកតារាឆ្នើមម្នាក់នេះ

 

Real Madrid ត្រូវបានទុកចោលដោយគ្មានខ្សែប្រយុទ្ធឆ្នើមក្នុងក្រុមរបស់ពួកគេ បន្ទាប់ពី Karim Benzema ចាកចេញទៅ Al-Ittihad នៅចុងបញ្ចប់នៃរដូវកាលមុន ។ ទោះបីជា Joselu ត្រូវបាននាំយកមកក្នុងលក្ខខណ្ឌខ្ចីជើងរយៈពេលមួយរដូវកាលពី Espanyol ក៏ដោយប៉ុន្តែគាត់ត្រូវបានគេរំពឹងថានឹងក្លាយជាអ្នកជំនួស Mariano Diaz ដែលបានចាកចេញពីក្លឹបផងដែរ ។

លោក Florentino Perez ចាប់អារម្មណ៍ក្នុងការចុះហត្ថលេខាលើតារាឆ្នើមម្នាក់នេះ ដែលហាក់ដូចជាបានបញ្ឈប់ការចរចាសម្រាប់ការផ្លាស់ប្តូរសម្រាប់ Harry Kane របស់ Tottenham Hotspur ។ ជាមួយនឹង Kylian Mbappe ក៏ទំនងជាមិនចូលរួមផងដែរនៅរដូវក្តៅនេះ Real Madrid បានបង្វែរចំណាប់អារម្មណ៍របស់ពួកគេទៅ Lautaro Martinez ។ យោងតាមសារព័ត៌មាន Sport បានឲ្យដឹងថា Los Blancos កំពុងរៀបចំទាក់ទងទៅកាន់ក្លឹប Inter Milan ដើម្បីស្វែងរកតម្លៃរបស់ពួកគេសម្រាប់កីឡាករអាហ្សង់ទីនរូបនេះ​។

Lautaro នឹងក្លាយជាការចុះហត្ថលេខាដ៏ល្អសម្រាប់ក្រុម Real Madrid ហើយដោយពិចារណាថាគាត់មានអាយុត្រឹមតែ 25 ឆ្នាំប៉ុណ្ណោះ គាត់គឺជាមនុស្សម្នាក់ដែលអាចប្រើក្នុងក្រុមដំបូងក្នុងរយៈពេលជាច្រើនឆ្នាំខាងមុខ។ វា​នៅ​តែ​ត្រូវ​មើល​ថា​តើ Inter អាចនិងលក់គាត់ដែរឬទេ?តាមដានព័ត៌មានបាល់ទាត់ថ្មីៗ

ភ្នាក់ងារ FIFA ម្នាក់និយាយថា Liverpool ចង់បង់ប្រាក់ ២៥០លានអឺរ៉ូសម្រាប់ Mbappe

 

មានភ្នាក់ងារលំដាប់អន្តរជាតិមួយរូបបានទម្លាយថា ក្លិបយក្សអង់គ្លេស Liverpool មានបំណងបង់ថ្លៃផ្ទេរយក Kylian Mbappe ក្នុងតម្លៃរហូតដល់ទៅបំបែកកំណត់ត្រាពិភពលោក។

Liverpool បន្តមានទំនាក់ទំនងជាមួយនឹងការផ្ទេរយក Kylian Mbappe។ នៅពេលនេះភ្នាក់ងាររបស់ FIFA លោក Marco Kirdemir ដែលត្រូវបានគេរាយការណ៍ថា មានទំនាក់ទំនងជាមួយទាំងខ្សែប្រយុទ្ធបារាំងខាងលើ និងមហាសេដ្ឋីកាតាដែលជាម្ចាស់របស់ក្លិប PSG បានអះអាងថាហង្សក្រហមចាប់អារម្មណ៍លើ Mbappe ជាខ្លាំង។

កីឡាករសញ្ជាតិបារាំង Kylian Mbappe បានប្រាប់ក្លឹបជើងឯកនៃក្របខណ្ឌ Ligue 1 ថាគាត់នឹងមិនបន្តកិច្ចសន្យារបស់គាត់ដែលត្រូវផុតកំណត់នៅឆ្នាំ ២០២៤ នោះទេ ដូច្នេះមានឱកាសដ៏ធំមួយដែល PSG នឹងព្យាយាមលក់គ្រាប់ពេជ្ររបស់ខ្លួនក្នុងពេលឥឡូវនេះ។

ស្របពេលក្លិបដែលចង់បានខ្លាំងជាងគេ គឺក្រុមមកពីប្រទេសអេស្ប៉ាញ Real Madrid ខណៈសាម៉ីខ្លួនក៏ចង់ទៅលេងនៅក្លិបយក្សមួយនេះផងដែរ។តាមដានព័ត៌មានបាល់ទាត់ថ្មីៗ

ទោះជួយ Man City ឈ្នះ EPL តែ Haaland និង De Bruyne មិនជាប់ជាដៃគូល្អបំផុតឡើយ

 

ដៃគូល្អបំផុតប្រចាំក្រុមក្នុងក្របខណ្ឌ Premier League តាមរយៈការបង្កើតឱកាសរកគ្រាប់បាល់នៅរដូវកាល ២០២២-២៣ បានបង្ហាញហើយ ដោយកីឡាករក្រុម Manchester City គឺ Kevin de Bruyne និង Erling Haaland មិនស្ថិតនៅលំដាប់កំពូលឡើយ​ ទោះពួកគេជួយក្រុមលើកពានក្តី។

កីឡាករក្រុម Manchester United និង Newcastle United ស្ថិតក្នុងលំដាប់ទី១ និងទី២ ក្នុងនាមដៃគូល្អក្នុងការបង្កើតឱកាសរកគ្រាប់បាល់។

រដូវកាល ២០២២-២៣ កីឡាករក្រុម Man City ទាំងពីររូប បានជួយក្រុមយ៉ាងខ្លាំងរហូតអាចក្លាយជាក្រុមគ្រងជើងឯកចំនួន ៣ ក្នុងមួយរដូវកាល ក៏ដូចជាពានរង្វាន់ Premier League ៣រដូវកាលជាប់គ្នា។

យ៉ាងណាឆ្លងកាត់ពេញមួយរដូវកាលមកនេះ De Bruyne បង្កើតឱកាសបានចំនួន ២៦លើកជោគជ័យសម្រាប់ Haaland ក្នុងចំណោមឱកាសសរុបចំនួន ៣២លើក ពីសំណាក់ដៃគូទាំងពីរ។

Haaland រដូវកាលដំបូងជាមួយ Man City ឈ្នះស្បែកជើងមាសនៅ Premier League ដោយស៊ុតបានចំនួន ៣៦គ្រាប់ដែលជាកំណត់ត្រាដ៏ច្រើនមិនធ្លាប់មាន នេះក៏ដោយសារតែឥទ្ធិពល De Bruyne ជាមិត្តរួមក្រុម។តាមដានព័ត៌មានបាល់ទាត់ថ្មីៗ