Barca លួចចរចារស្ងាត់ៗជាមួយ PSG ដើម្បីយក Neymar ទៅវិញ ក្រោយបរាជ័យផ្ទេរ Messi

 

យោងតាមអ្នករាយការណ៍របស់ទូរទស្សន៍ beIN Sports លោក Khaled Waleed ដែលជាប្រភពស្និទ្ធនឹងប្រធានក្លឹប Barcelona លោក Joan Laporta បានឲ្យដឹងថា បច្ចុប្បន្ន Barca កំពុងចរចារជាមួយ PSG ដើម្បីនាំយក Neymar ត្រឡប់ទៅក្លឹបវិញ។

ថ្វីត្បិតតែរឿងនេះអាចនឹងពិបាកកើតឡើងបន្តិចក៏ដោយ ប៉ុន្តែវាជាការពិតដែលថា Barca បានពិភាក្សាជាមួយមហាសេដ្ឋីកាតា ដើម្បីជួយបង្កើនប្រាក់ចំណូលរបស់ក្លឹបតាមរយៈការឧបត្ថម្ភ ហើយអ្នកការសែតលោក Waleed ក៏បានទម្លាយរឿងអំពីការផ្លាស់ប្ដូរគួរឱ្យភ្ញាក់ផ្អើលមួយផងដែរ។

កាលពីដើមខែមិថុនា លោក Xavi បានច្រានចោលពាក្យចចាមអារ៉ាមអំពី Neymar ក្នុងការវិលត្រឡប់ទៅក្លិប Barcelona វិញ ដោយគ្រូបង្វឹករូបនេះបានអះអាងថា ក្លឹបជើងឯកអេស្ប៉ាញមានគោលដៅផ្សេងទៀត ជាជាងនាំយកតារាប្រេស៊ីលមកលេងនៅទឹកដី Spotify Camp Nou សារជាថ្មី។តាមដានព័ត៌មានបាល់ទាត់ថ្មីៗ