ឃីម បូរ៉ា លើកឡើងថាកីឡាករម្នាក់នេះ ពិបាកប្រកួតជាមួយប៉ុន្តែមិនមែន ពេជ្យ សម្បត្តិ នោះទេ

 

កីឡាករគុនខ្មែររហ័សនាមនាគមាស ឃីម បូរ៉ា បានប្រាប់ឈ្មោះកីឡាករម្នាក់ក្នុងប្រភេទទម្ងន់របស់គាត់ ដែលគាត់គិតថាពិបាកក្នុងការប្រកួតជាមួយ ប៉ុន្តែម្នាក់នោះមិនមែនជាក្របីព្រៃ ពេជ្យ សម្បត្តិនោះទេ។

នៅក្នុងបទសម្ភាសន៍មួយ ឃីម បូរ៉ា ត្រូវបានគេសួរថា តើរវាងកីឡាករ ពេជ្យ សម្បត្តិ និងកីឡាករ ឈុត សេរីវ៉ាន់ថង តើគាត់គិតថាម្នាក់ណាដែលពិបាកប្រកួតជាមួយជាងគេ ? ភ្លាមៗនោះ ឃីម បូរ៉ា បានលើកឡើងថា សម្រាប់គាត់គឺសុទ្ធតែធ្លាប់ប្រកួតជាមួយកីឡាករទាំងពីរនាក់ខាងលើនេះ ប៉ុន្តែបើយោងតាមបទពិសោធន៍កន្លងមកគាត់គិតថា កីឡាករ ឈុត សេរីវ៉ាន់ថង ពិបាកប្រកួតជាងកីឡាករ ពេជ្យ សម្បត្តិ ។

មូលហេតុគឺដោយសារតែ ឈុត សេរីវ៉ាន់ថង មានក្បាច់វាយបច្ចេកទេសទាំង កែង ជង្គង់ ទាត់ បុកថយ មួយចប់។ រីឯ ពេជ្យ សម្បត្តិ វិញជាប្រភេទកីឡាករដែលបុកចូលតែមួយច្រកងាយស្រួយវាយ ប៉ុន្តែគាត់មានភាពធន់វាយមិនងាយឈឺ ជាពិសេសនោះគឺបុកចូលមិនឲ្យដៃគូរដកដង្ហើមបាន និងមានកណ្តាប់ដៃធ្ងន់៕អានពត៌មានប្រចាំថ្ងៃ