លោកគ្រូ រីកគី ឆ្លើយតបទៅកាន់លោកគ្រូ ក្រាក់ សម្ភស្ស វិញថា នាយឆាន វៃគ្មានក្បាច់

 

លោកគ្រូ រីកគី បានឆ្លើយតបទៅកាន់លោកគ្រូ ក្រាក់ សម្ភស្ស វិញថារឿងសងសឹកគឺមិនអាចកើតឡើងទេ ប៉ុន្តែលោកយល់ស្របចំពោះការលើកឡើងថា នាយឆាន គ្មានក្បាច់គឺពិតជាត្រឹមត្រូវ ក្នុងនាមលោកគ្រូជាគ្រូបង្វឹកផ្ទាល់។ព័ត៌មានកីឡាថ្មីៗប្រចាំថ្ងៃ

កាលពីម្សិលមិញអេដមីនបានចេញអត្ថបទមួយនិយាយអំពីលោកគ្រូ ក្រាក់ សម្ភស្ស បើកភ្លើងខៀវអោយនាយឆាន សងសឹកជាមួយនឹងកូនសិស្សរបស់គាត់គឺកីឡាករ ក្រាក់ ពិសិដ្ឋ និងថា នាយឆាន គ្មានក្បាច់អ្វីដែលអាចយកឈ្នះទៅលើកូនសិស្សរបស់គាត់នោះទេបើទោះបីជារូបគេវៃឈ្នះនិងផ្តួលគូប្រកួតអោយសន្លប់ទាំងអស់ក៏ដោយ។

ចំពោះ ក្រាក់ ពិសិដ្ឋ ផ្ទាល់ ក៏រង់ចាំទទួលស្វាគមន៍អោយតែមានការរៀបចំនិងថា នាយឆាន មិនមានអ្វីដែលល្អលើសជាងកាលពីជួបគ្នាលើកមុននោះទេ។

ឆ្លើយតបទៅកាន់លោកគ្រូ ក្រាក់ សម្ភស្ស និងកីឡាករ ក្រាក់ ពិសិដ្ឋ វិញ លោកគ្រូ រីកគីបាននិយាយថា “រឿងសងសឹកដូចជាមិនអាចកើតឡើងទេ យើងខំប្រឹងពីក្រោមឡើងមកលើហើយ តម្លៃខ្លួនបានជាង 400-500 ។ លោកគ្រូបន្តទៀតថា “រឿងសងសឹកឬមិនសងសឹកដូចជាមិនបញ្ហាទេជាមួយនឹងខ្មែរគ្នាឯង តែអ្វីដែលជាគោលដៅរបស់ខ្ញុំគឺចង់វៃជាមួយបរទេស”។

លោកគ្រូ រីកគី ក៏យល់ស្របចំពោះការលើករបស់លោកគ្រូ ក្រាក់ សម្ភស្ស ដែលថានាយឆាន វៃគ្មានក្បាច់ដែរ ក្នុងនាមលោកគ្រូជាគ្រូបង្វឹកផ្ទាល់ បើលោកគ្រូថានាយឆានវៃមានក្បាច់នោះគឺលោកគ្រូថានិយាយកុហកគេហើយ តែយ៉ាងណាក៏ដោយលោកគ្រូបានសង្កត់ធ្ងន់ថា នាយឆាន វៃបាន 10 ប្រកួតជាងធ្វើបានល្អប៉ុណ្ណេះគួរតែសាទរគេទៅ។