អេអាំម៉ារីន ភូថង ប៉ះជើងខ្លាំងមកពីរុស្ស៊ី ដណ្តើមខ្សែក្រវាត់IPCC គុនខ្មែរ ចុងខែមីនានេះ

 

ស្ថានីយទូរទស្សន៍ថោន បានរៀបចំខ្សែក្រវាត់ខ្សែក្រវាត់IPCC គុនខ្មែរ មួយគ្រឿង ដាក់ឱ្យទាយាទស្តេចប្រដាល់គុនខ្មែរ អេអាំម៉ារីន ភូថង និងកីឡាករ សាវីលីត ឌូរូហ្កាស្ទេវ savelit Dorogavtsev​ មកពីប្រទេសរុស្សី ដណ្តើម ក្នុងព្រឹត្តិការណ៍សេនាគុនខ្មែរយ័ន្ត៨ទិស នាថ្ងៃទី៣១មីនា ឆ្នាំ២០២៤ ខាងមុខឆាប់ៗនេះ។អានព័ត៌មានកីឡាថ្មីៗ

តើកីឡាកររូបណា ជាម្ចាស់ខ្សែក្រវាត់គុនខ្មែរកម្រិតអន្តរជាតិមួយនេះ…?

បន្ទាប់ពីផ្តួលកីឡាករជើងខ្លាំងមកពីក្រៅប្រទេសជាច្រើននាក់ ពេលនេះ កីឡាករ អេអាំម៉ារីន ភូថង មានឱកាសឡើងប្រកួតដណ្តើមខ្សែក្រវាត់IPCC គុនខ្មែរកម្រិតអន្តរជាតិមួយរៀបចំដោយស្ថានីយទូរទស្សន៍ថោន។

ខណៈស្នៀតប្រយុទ្ធរបស់គេកាន់តែកាច់ និងមានអាវុធមុតស្រួចស្ទើរតគ្រប់ក្បាច់ទាំងអស់ មិនថា កែង ជង្គង់ ដាល់ ឬរន្ទះជើងនោះទេ គឺរូបគេអាចប្រើបច្ចេកទេសនៃស្នៀតប្រយុទ្ធផ្តួលដៃគូឱ្យបោះបង់ការប្រកួតបានទាំងអស់ ពោលគឺទាយាទស្តេចប្រដាល់គុនខ្មែររបស់លោក អេ ភូថង រូបនេះ មានគ្រប់គ្រឿងតែម្ដងលើមរតកនៃក្បាច់គុនខ្មែរ។

គេនៅចាំបានថា កីឡាករ អេ អាំម៉ារីនភូថង បានផ្តួលកីឡាករម្ចាស់ផ្ទះ គ្លីនតុន ឱ្យលោកអាជ្ញាកណ្ដាលសម្រេចបញ្ឈប់ការប្រកួតនៅទឹកទី៤ ក្នុងព្រឹត្តិការណ៍ប្រកួតប្រដាល់“គុនខ្មែរស៊ុបពើរហ្វៃត៍-BOB” ដណ្តើមបានខ្សែក្រវាត់គុនខ្មែរពិភពលោក ជាប្រវត្តិសាស្ត្រនៅលើទឹកដីអូស្ត្រាលី កាលពីនៅថ្ងៃទី០៥ ខែវិច្ឆិកា ឆ្នាំ២០២៣។