គុនខ្មែរកាន់តែឆ្ពោះទៅមុខ ក្រុមហ៊ុនឯកជនក្នុងស្រុកជះលុយរង្វាន់ ១០០ លានរៀល ក្នុងមួយកម្មវិធី ដល់បេក្ខភាពដណ្តើមខ្សែក្រវាត់

 

Reign of Kings ជាព្រឹត្តិការណ៍ប្រដាល់គុនខ្មែរដ៏ធំមួយប្រចាំខែមីនា ខណៈក្រុមហ៊ុនឯកជនក្នុងស្រុកមួយបានជះប្រាក់រង្វាន់១០០លានរៀលក្នុងមួយកម្មវិធី លើខ្សែក្រវាត់ទាំង៥ខ្សែរបស់ខ្លួន។អានព័ត៌មានកីឡាថ្មីៗ

ដាក់ឱ្យអ្នកលេងគុនខ្មែរចម្រុះជាតិសាសាន៍ប្រកួតដណ្តើមយកនាថ្ងៃទី៣០-៣១ ខែមីនា ឆ្នាំ២០២៤ ខាងមុខ នៅសង្វៀនគ្រុឌគុនខ្មែរដែលរៀបចំដោយស្ថានីយទូរទស្សន៍ជាតិកម្ពុជា(ទទក)…។

កម្មវិធីប្រដាល់​គ្រុឌគុនខ្មែរ Reign of Kings ដ៏អស្ចារ្យនេះ ក៏មានដាក់បញ្ចូលនូវការសម្តែងសិល្បៈបុរាណ ការប្រគំតន្រ្តី ចូលរួមដោយតារាចម្រៀងយុវវ័យមួយចំនួន​ និងផ្ទាំងទស្សនីយភាពបង្ហោះដ្រូន (Drone Show) ជាង៥០០គ្រឿងពីលើ​អាកាស បង្ហាញរូបរាងខ្សែក្រវាត់ស្ដេចគ្រុឌ ដែលមិនធ្លាប់មានពីមុននៅកម្ពុជាផងដែរ។

សម្រាប់ព្រឹត្តិការណ៍ Reign of Kings​ នា​ថ្ងៃសៅរ៍ទី​៣០មីនា ឆ្នាំ​២០២៤ រួមមាន៖​ កីឡាករដែលទទួលបានរហស្សនាមពីអ្នកប្រម៉ូដជាអធិរាជអំបោះឆៅ ធន់ រិទ្ធី ត្រូវប្រកួតគូឯកជាមួយកីឡាករមកពីអ៊ីរ៉ង់ អាលី យូសេហ្វ ក្នុងប្រភេទទម្ងន់៧៣​គីឡូក្រាម ដណ្តើមខ្សែក្រវាត់ស្តេចគ្រុឌអមជាមួយប្រាក់រង្វាន់២០លាន រៀល។

និងអ្នកលេងប្រអប់ឆ្វេងគុនខ្មែរ ឡៅ ចិត្រា ជួបជើងខ្លាំងថៃ ជូចារើន ដណ្តើមខ្សែក្រវាត់ស្តេចគ្រុឌក្នុងប្រភេទទម្ងន់​៦៥​គីឡូក្រាម អមជាមួយប្រាក់រង្វាន់២០លានរៀលដូចគ្នា។ ចំណែកនៅថ្ងៃអាទិត្យទី​៣១​មីនាវិញ កីឡាករដែលមានរហស្សនាមគ្រូមៅចាប់ខ្មោច លន បញ្ញា ត្រូវជួបមិត្តរួមជាតិ ជូចារើន មកពីប្រទេសថៃដែរ គឺកីឡាករ ភេតដាំ ផេតយិនឌី ។

ក្នុងប្រភេទទម្ងន់ ​៦៥ ​គីឡូក្រាម ខណៈកីឡាករដែលមានរហស្សនាមនាគខ្មៅ ឃឹម ឌីម៉ា ក៏នឹងជួបអ្នកលេងឆ្លងដែនមកពីថៃ ថងណយ វ៉សាងប្រ៉ះផៃ ដណ្តើមខ្សែក្រវាត់ស្តេចគ្រុឌគុនខ្មែរដូចគ្នាជាមួយកីឡាករ លន បញ្ញាដែរ។