ព្រំ សំណាង ឡើងសង្វៀនប្រកួត១សប្តាហ៍២ដង ខណៈ ពេជ្រ សម្បត្តិ និងឃីម បូរ៉ា ជួបគ្នានៅព្រឹត្តិការណ៍ដណ្តើមរថយន្ត

 

ព្រឹត្តិការណ៍ដណ្ដើមរថយន្តខ្លាញ់គោពីក្រុមហ៊ុនភេសជ្ជៈក្នុងស្រុកមួយ រៀបចំដោយស្ថានីយទូរទស្សន៍ BTV នៅថ្ងៃ២៨មីនា ឆ្នាំ២០២៤ខាងមុខ ដែលមានជើងខ្លាំងកម្ពុជា៤រូបជាបេក្ខភាព។អានព័ត៌មានកីឡាថ្មីៗ

ទន្ទឹមនឹងនោះ មហាជនបានសម្តែងការភ្ញាក់ផ្អើលក្រោយឃើញកីឡាករព្រំ សំណាង​ ឡើងសង្វៀន២ដងក្នុងមួយសប្តាហ៍ ដោយលើកទី១ប្រកួតនៅល្ងាចថ្ងៃនេះ និង៥ថ្ងៃក្រោយប្រកួតនៅព្រឹត្តិការណ៍ធំខាងលើនេះតែម្ដង…។

គូសបញ្ជាក់ផងដែរថា ក្រៅពីបេក្ខភាពគុនខ្មែរ៤រូបប្រកួតដណ្ដើមរថយន្ត ក៏មានកីឡាករជួរមុខកម្ពុជា៣រូបទៀតចូលរួមក្នុងព្រឹត្តិការណ៍ដ៏ធំនេះផងដែរ។

ក្នុងនោះមានដូចជា៖ កីឡាករដែលមានរហស្សនាមក្របីព្រៃ ពេជ្រ សម្បត្តិ និងកីឡាករ ឃីម បូរ៉ា នឹងត្រូវរួមដៃគ្នាតតាំងជាមួយជើងខ្លាំងមកពីបរទេស ខណៈអធិរាជជង្គង់កែងឆាបជាងកាត់សក់ដៃឯក ព្រំ សំណាង​ ជាគូឯកប្រចាំព្រឹត្តិការណ៍។

ទោះយ៉ាងណា មុនបង្ហាញខ្លួនជាគូឯកប្រចាំ ព្រឹត្តិការណ៍ដណ្ដើមរថយន្តខ្លាញ់គោកីឡាករ ព្រំ សំណាង ត្រូវប្រកួតជាមួយកីឡាករជើងខ្លាំងមកពីអ៊ីរ៉ង់ ខៃវ៉ាន សូលៃម៉ានី ដែលកីឡាករបរទេសរូបនេះ ធ្លាប់ឈ្នះមេធីម រឿង សោភ័ណ្ឌ និងស្មើគ្នាជាមួយ ធន់ រិទ្ធី ផងដែរ។

មានការលើកឡើងពីមហាជនថា ការឡើងប្រកួត១សប្តាហ៍ពីរដងបែបនេះ មិនល្អចំពោះសុខភាពទេ ស្របពេលដែលវ័យកីឡាករ ព្រំ សំណាង ក៏កាន់តែជ្រេហើយដែរ។