តើមានរឿងហេតុអ្វី សែន ចាន់ឫទ្ធីគុន សម្រេចចាកចេញពីក្លឹបប្រដាល់​គុន​ខ្មែរអន្តរជាតិ..?

 

អ្នកប្រដាល់ដែលទទួលបានសញ្ជាតិកម្ពុជា កីឡាករ សែន ចាន់ឫទ្ធីគុន ឬធីអាហ្គោ បានប្រកាសចែកផ្លូវគ្នាជាមួយក្លឹប​ប្រដាល់​គុន​ខ្មែរ​អន្តរជាតិរបស់លោក ស្រី ចាន់ថនហើយ។ ជាមួយការចាកចេញនេះ ធ្វើឱ្យអ្នកគាំទ្រវិស័យកីឡាប្រដាល់គុនខ្មែរ ដាក់ជាចម្ងល់ថា តើមានមូលហេតុអ្វី​ បានជាកីឡាករ សែន ចាន់ឫទ្ធីគុន ចាក់ចេញពីក្លឹប ដែលមានការជួយជ្រោមជ្រែងរូបគេបែបនេះ…?

តាមរយៈទំព័រហ្វេបុសរបស់កីឡាករសែន ចាន់ឫទ្ធីគុន បានឱ្យដឹងនៅរសៀលថ្ងៃទី២៦ ខែកក្កដា នេះថា សូមគោរ​ពសមា​ជិក និងអ្នកគាំទ្រគុនខ្មែរ! ខ្ញុំ​សូម​ជម្រាប​ជូន​អ្នក​រាល់​គ្នា​​ថា ខ្ញុំ​បាន​សម្រេច​ចិត្ត​ចាក​ចេញ​ពី​ក្លឹប​ប្រដាល់​គុន​ខ្មែរអន្តរជាតិ។ តាមពិតខ្ញុំចាកចេញជាងមួយខែមុន។

ខ្ញុំជឿថា វាដល់ពេលហើយដើម្បីស្វែងរកឱកាសថ្មីៗ និងស្វែងរកបញ្ហាប្រឈមថ្មីៗនៅកន្លែងផ្សេង»។ អ្នកប្រដាល់ដែលមានដើមកំណើតនៅប្រទេសប្រេស៊ីលរូបនេះ បន្ថែមថា «បច្ចុប្បន្ននេះ ខ្ញុំបើកចំហដើម្បីបង្កើតភាពជាដៃគូថ្មី ហើយ​ខ្ញុំទន្ទឹងរង់ចាំយ៉ាងអន្ទះសា ក្នុងការស្វែងរកគម្រោង និងបុគ្គលផ្សេងទៀត ដែលខ្ញុំអាចសហការជាមួយ។

សូម​ឱ្យ​សិល្បៈ​ក្បាច់គុនរបស់យើងរីកចម្រើន​ ខ្ញុំសូមជូនពរដោយស្មោះ​អស់ពីដួងចិត្តអ្នកទទួលបានជោគជ័យ​ជាបន្តបន្ទាប់​ និង​ការពេញ​ចិ​ត្តយ៉ាងខ្លាំងនៅក្នុងការខិតខំរបស់អ្នក»។តាមដានព័ត៌មានបាល់ទាត់ថ្មីៗ