ក្លិបមួយនៅប្រទេសកាតា សុំទិញឈ្មោះក្លិប Barcelona ក្នុងតម្លៃជាង ១០០លានដុល្លារ

 

យោងតាម Tot Costa បានឱ្យដឹងថា ក្លឹបមួយក្នុងប្រទេសកាតាបានផ្តល់ប្រាក់ ១០០ លានអឺរ៉ូក្នុងមួយឆ្នាំដល់ Barcelona ដើម្បីមានសិទ្ធិប្រើប្រាស់ឈ្មោះថា Barca ជាផ្នែកនៃសិទ្ធិផ្តាច់មុខរបស់ពួកគេ។

ក្លិប Barcelona ត្រូវការលុយជាខ្លាំងនៅពេលនេះ ទើបការផ្តល់ជូនដ៏មហិមានេះទទួលការចាប់អារម្មណ៍ពីសំណាក់ក្លិបយក្សអេស្ប៉ាញខាងលើ។ កាលពីប៉ុន្មានសប្តាហ៍មុន ប្រធានក្លឹប Barca លោក Joan Laporta បានធ្វើដំណើរទៅកាន់ប្រទេសកាតា ជាកន្លែងដែលគាត់បានជួបជាមួយក្លិបធំៗនៃលីគបាល់ទាត់ប្រទេសកាតា។ ដំណើរទស្សនៈកិច្ចនេះប្រហែលជាពួកគេពិភាក្សាអំពីការផ្តល់ជូននេះ។

ប្រសិនបើ Barca យល់ព្រមចំពោះសំណើទិញសិទ្ធិផ្តាច់មុខឈ្មោះក្លិបនេះ នោះលំហូរហិរញ្ញវត្ថុអាចជារឿងសំខាន់ សម្រាប់ក្លឹបយក្សអេស្ប៉ាញក្នុងលក្ខខណ្ឌនៃការចុះហត្ថលេខា និងចុះឈ្មោះកីឡាករថ្មីរបស់ពួកគេ។ នៅរដូវក្តៅនេះ Barcelona ត្រូវបានគេប្រាប់ថា ពួកគេត្រូវតែដកកីឡាករចេញមួយចំនួនចេញ ដើម្បីកាត់បន្ថយថ្លៃឈ្នួលរបស់ក្លិប មុនពេលពួកគេអាចចុះឈ្មោះកីឡាករថ្មីផ្សេងៗទៀតបាន។តាមដានព័ត៌មានបាល់ទាត់ថ្មីៗ